أدوية تؤثر على الخصوبة وقد تعطل الحمل: انتبهوا!
لو أنتم بتخططوا للحمل، مهم جداً تنتبهوا لبعض أنواع الأدوية اللي ممكن تؤثر على فرص الإنجاب سواء للزوج أو الزوجة.
مش كل دواء بناخده بيكون آمن وقت الاستعداد للحمل، وبعضها ممكن يعطل التبويض أو يقلل من جودة الحيوانات المنوية.
تعالوا نشوف أهم الأدوية اللي لازم نكون حذرين منها:
1. أدوية المعدة زي “موتيليوم” وأشباهه
رغم إنها بتستخدم لتنظيم حركة الأمعاء، إلا إن بعض الأدوية دي ممكن ترفع هرمون اللبن في الجسم، وده ممكن يضعف التبويض أو يسبب اضطرابات في الدورة، وبالتالي يأثر على فرص الحمل.
لو بتاخدي أدوية زي دي، ضروري تراجعي طبيبك وتشوفي بدائل آمنة.
2. أدوية تثبيط المناعة والكورتيزون
اللي بياخدوا أدوية لعلاج أمراض المناعة (زي الذئبة الحمراء أو الروماتويد)، أو اللي مرّوا بعمليات نقل كلى مثلاً، غالباً بياخدوا أدوية لتقليل المناعة.
الأدوية دي ممكن تقلل الخصوبة لأنها بتأثر على الهرمونات، وبتزيد مقاومة الجسم للأنسولين، وده ممكن يسبب ضعف التبويض أو تأثير سلبي على إنتاج الحيوانات المنوية.
لمشاهدة الفيديو من هنا:
3. مضادات الالتهاب والأسبرين
مضادات الالتهاب غير الستيرويدية (NSAIDs) زي الأسبرين ممكن في بعض الحالات تؤثر على الإباضة.
رغم إننا أحيانًا بنديها لتحسين تدفق الدم، لكن استخدامها العشوائي أو بجرعات عالية ممكن يكون له تأثير عكسي.
يعني مش خطر دائم، بس محتاج استخدام محسوب وتحت إشراف طبي.
4. مضادات الاكتئاب
معظم مضادات الاكتئاب ممكن تأثر على مراكز الهرمونات في الدماغ، وده يؤدي لاضطراب في إفراز الهرمونات المهمة للتبويض أو لإنتاج الحيوانات المنوية.
لو بتاخدي أدوية نفسية، كلمي طبيبك عن خيارات بديلة آمنة أثناء فترة التخطيط للحمل.
5. أدوية الغدة الدرقية
سواء كنتي بتتعالجي من زيادة أو خمول في نشاط الغدة، لازم الجرعات تكون مضبوطة.
لأن أي خلل في جرعة العلاج ممكن يسبب اضطراب في هرمونات اللبن أو التبويض، وبالتالي يأثر على الخصوبة.
6. هرمونات الجيم والمنشطات
الشباب اللي بياخدوا منشطات لبناء العضلات أو أي أدوية فيها هرمون التستوستيرون، لازم يعرفوا إنها بتدي إشارة للمخ إن الجسم مش محتاج يصنع هرمونات تانية.
وده ممكن يقلل أو يوقف إنتاج الحيوانات المنوية بشكل خطير.
7. التدخين والكافيين
كلنا عارفين أضرار التدخين، لكن لازم نأكد تاني:
التدخين والكافيين الزائد بيأثروا على جودة الحيوانات المنوية، وبيضعفوا التبويض، فضروري نقلل منهم أو نوقفهم خالص أثناء التخطيط للحمل.
8. علاجات الشعر الهرمونية
لو كنتي بتستخدمي علاجات فيها هرمون الإستروجين، لازم تعرفي إنها ممكن تبعت إشارة للمخ إن الجسم مش محتاج يفرز هرمونات تبويض.
وده ممكن يؤدي إلى خلل في دورة التبويض وتأخير الحمل.
9. العلاج الكيميائي والإشعاعي
للأسف، الكيماوي والإشعاع من أكتر العلاجات اللي بتأثر على الخصوبة، لأنها بتهاجم الخلايا سريعة النمو، ومنها خلايا المبيض أو الخصيتين.
مهم جدًا مناقشة خيارات الحماية من التأثيرات دي مع الطبيب المختص.
10. بعض الأعشاب “الطبيعية”
مش كل عشبة آمنة!
بعض الأعشاب ممكن تؤثر على الهرمونات أو التبويض.
لازم نستخدم الأعشاب الطبية بإشراف طبي، خصوصًا في فترة التخطيط للحمل.
الخلاصة:
• مش كل دواء ينفع يتاخد في فترة التخطيط للحمل.
• دايمًا ارجعوا للطبيب قبل استخدام أي دواء حتى لو كان بسيط أو عشبي.
• اسألوا نفسكم:
• هل الدواء ده ممكن يأثر على الخصوبة؟
• هل له آثار بعيدة المدى على الحمل؟
ولو بتاعني من تأخر الإنجاب، جمعنا لك هنا كل الموضوعات الخاصة بتأخر الحمل في دورس مفصلة بمعلومات علمية موثقة ومرتبة، علشان نساعدك توصلي لحلم الأمومة اللي تستحقيه:
رسالة لكي من بطلات سبقوكي لتحقيق حلم أمومتهم – TBIBTY طبيبتي