تحضير الرحم للحمل بعد الثلاثين… خطوات بسيطة تفرق كتير
شايفة صورة البيبي دي؟ البيبي ده عنده مشكلة كبيرة، والمشكلة دي للأسف كانت ممكن نتفاداها بخطوة بسيطة جدًا: تغذية صحيحة قبل الحمل! مش بفحوصات معقدة، ولا علاجات مكلفة، ولا رنين مغناطيسي… كانت محتاجة بس نظام غذائي اسمه “فريتاليتي دايت”، فيه فولك أسيد كفاية، اللي نقصه بيؤدي لحالة اسمها “سباينا بيفيدا”، وهي تشوه في آخر العمود الفقري، ممكن يخلي الطفل عنده مشاكل في المشي.
يعني قبل ما تفكري في الحمل، جسمك لازم يكون جاهز، مش بس بالتحاليل، لكن كمان بالأكل والفيتامينات اللي بتدعّم الخصوبة. طبعًا كل واحدة فينا مختلفة، وفيه إنزيمات ناقصة عند بعض السيدات بتمنع امتصاص الحاجات المفيدة من الأكل، وهنا بييجي دور المكملات الغذائية، بس تحت إشراف طبي، مش من نفسك.
والرياضة؟
لازم تكون موزونة. لا كتير زيادة عن اللزوم ولا قليلة خالص. لازم نفهم مع دكتور الخصوبة أو مدرب رياضي فاهم إيه التمارين اللي تساعد جسمنا، مش تتعبه. كمان لازم نعرف ناكل إيه قبل وبعد التمرين، لأن الأكل في الوقت الغلط ممكن يبوّظ كل حاجة.
وعلشان نوفر كل ده، جمعنا المعلومات دي كلها في كورس شامل، مش بس للي بعد الأربعين، ده مناسب كمان للثلاثينات. لأن التحضير لازم يكون بدري، حتى قبل ما تقرري تبدأي رحلة الحمل.
طب نرجع للكافيين…
فنجان القهوة الصغير اللي كنا بنشربه زمان، اتحوّل لمج كبير بيصحينا، بس كمان بيأذينا. الكافيين العالي بيأثر على الخصوبة، بيزود الإدمان وبيخلي الجسم يطرد ميّه، وده بيأثر على كل العمليات الحيوية. الحل؟ مش نوقفه فجأة، لكن نقلله تدريجياً، لحد ما نتحرر منه من غير أعراض انسحاب.
طيب لو حملت؟
فيه حالات بتظهر عندها أنيميا أول ما نعرف إنها حامل، وساعتها كتير بيقولوا: “أخد حديد وخلاص؟” الحقيقة لأ. أول 3 شهور في الحمل مش أفضل وقت لتناول الحديد، لأن الجسم بيكون مش قادر يتحمل كتير. الأفضل إنك تكوني واخدة مخزونك قبل الحمل من أكل وفيتامينات.
فيه كمان فيتامينات زي الـL-Arginine وCoenzyme Q10 والزنك، مهمة قبل الحمل، بس مش مفيدة أو آمنة دايمًا أثناء الحمل. عشان كده لازم تحضّري نفسك من قبل الحمل، وتخدي الحاجات اللي جسمك محتاجها في الوقت الصح.
لمشاهدة الفيديو من هنا: https://youtu.be/_sqxMoXwUlE?
نقطة مهمة: متابعتك لمواعيد الدورة!
ماينفعش تيجي العيادة ونسئلك “الدورة إمتى جات؟” وتردي “مش فاكرة”. لازم تتابعي وتسجلي، لأن ده هو اللي هيساعدنا نعرف إذا كانت الإباضة منتظمة ولا لأ، وممكن نكتشف بيه مشاكل بدري.
وفي موقع طبيبتي، وفرنا لك طريقة تسجلي بيها مواعيد دورتك وتتابعي حالتك بشكل دقيق.
طب إيه الفرق بين طبيب النساء وطبيب الخصوبة؟
فيه فرق كبير. مش كل دكتور نِساء بيكون متخصص في الخصوبة وتأخر الحمل. فيه أطباء مركزين في الولادة والحمل العادي، وفيه اللي محدثين نفسهم بكل جديد في مجالات الحقن المجهري والعقم والخصوبة.
والدعم؟
الدعم مهم، جدًا. سواء من دكتور، أو من متخصص، أو حتى من حد قريب ليكِ بيشجعك وواقف في ضهرك. ومش بس الزوجة، الزوج كمان ليه دور كبير. لازم ياخد فيتاميناته، ويبعد عن التدخين، ويشرب ميّه كفاية، ويقلل التوتر، لأنه هو كمان جزء من المعادلة.
وآخر نقطة، مش كل تأخر حمل معناه حقن مجهري.
فيه حالات كتير كانت طالبة الحقن المجهري، وبدأنا معاهم بخطوات أبسط، وربنا أكرمهم بحمل طبيعي. وكل القصص اللي سمعتيها وشوفتيها من عيادتنا بتأكدلك ده. الحقن المجهري ليه وقته، بس مش دايمًا هو البداية.
ولو بتاعني من تأخر الإنجاب، جمعنا لك هنا كل الموضوعات الخاصة بتأخر الحمل في دورس مفصلة بمعلومات علمية موثقة ومرتبة، علشان نساعدك توصلي لحلم الأمومة اللي تستحقيه:
رسالة لكي من بطلات سبقوكي لتحقيق حلم أمومتهم – TBIBTY طبيبتي