عملنا إجراء حقن مجهري “أونلاين”.. ازاي؟
في عالمنا اللي بيتغير بسرعة، أصبحت الاستشارات الطبية الأونلاين مش بس وسيلة، لكنها بقت حل واقعي وفعّال لناس كتير، خاصة في موضوعات حساسة ومعقدة زي تأخر الحمل والحقن المجهري. القصة اللي هنحكيها دلوقتي هي واحدة من أجمل قصص النجاح اللي بتثبت إن الأمل موجود، وإن الخطوات الصح ممكن تتاخد حتى لو كنا بعيد عن بعض.
بدأت القصة لما سيدة بعتت تسألنا: “يعني لما أبدأ متابعة مع دكتورة ريهام الشال أونلاين، هل هكمل علاجي كله من غير ما أزور العيادة؟” الحقيقة إن 30% من الحالات اللي بنتابعها بيكون ممكن علاجها بالكامل أو جزئياً أونلاين. واللي بنقوله دايمًا: إحنا وفّينا… وفّينا الخطوات كلها، من أول تشخيص الحالة لحد ما نحدد إذا كانت محتاجة تدخل مباشر في العيادة ولا لأ.
الجميل في المتابعة الأونلاين إنها بتوفر وقت ومجهود ومصاريف كتير، بس الأهم من كل ده، هي بتخفف التوتر. بدل الزحمة والانتظار والمشوار الطويل، الحالة بتكون قاعدة في بيتها، على كنبتها، مرتاحة، وده لوحده بيأثر على الحالة النفسية بشكل إيجابي جدًا.
في حالات كتير ظروفها مش بتسمح بالحركة، حتى لو عايشة في مصر، زي الأمهات اللي عندهم أطفال أو سيدات عندهم مشاكل صحية. وكمان في ناس بتعيش برا مصر، ومجرد التفكير في تكلفة السفر والعيادات بيخلّيهم يتراجعوا.
زمان، كان لازم تسافر عشان تروح لدكتور في بلد تانية، وممكن في الآخر تكتشف إن كل اللي كنت محتاجه نصيحة بسيطة أو علاج سهل. دلوقتي، بقى ممكن تاخد نفس الاستفادة دي وإنت في بيتك، من غير لا سفر ولا مصاريف إضافية.
لكن في بعض الحالات، بيكون في احتياج حقيقي للتواجد في العيادة. وده اللي حصل في القصة دي، اللي بدأت من الخليج مع سيدة، بتشتغل هناك، وقررت تبدأ رحلة العلاج معانا أونلاين.
بعد أربع سنين من تأخر الحمل غير معروف السبب، بدأت المتابعة أونلاين، عملت تحاليل، سونارات، متابعة تبويض، وأخذت علاجات… كل ده وهي في بلدها. وقررنا إن أول أجازة ليها في مصر تكون هي الفرصة المناسبة لبدء دورة الحقن المجهري.
ولمشاهدة الفيديو من هنا: https://youtu.be/k5Kf0TLRAAI?si=ZC4MlC9eLd9Uasin
ويا سلام على التنظيم! المواعيد كانت متظبطة على يوم الدورة، الأدوية كانت محضّرة (رغم النقص الشديد)، وكانت مؤهلة نفسيًا لكل تحدي ممكن يقابلها في مصر، من نقص الأدوية لضغط الوقت.
بدأنا البروتوكول، واجهتنا بعض العقبات، لكن الحمد لله وصلنا ليوم سحب البويضات. وفي اليوم ده، عرفنا السبب الحقيقي لتأخر الحمل، وده كان مفتاح التغيير الكبير. تم تكوين الأجنة، وتم الإرجاع، وكانت الأيام اللي بعدها مليانة قلق وانتظار وأسئلة… هل السفر بعد الإرجاع هيأثر؟ هل كان ممكن ننجح لو عملنا شيء مختلف؟
لكن رغم كل التوتر ده، اختبار الحمل طلع إيجابي. وكانت لحظة فرحة لا توصف.
اللي يخلّي التجربة دي مميزة مش بس النجاح، لكن إنها كانت مليانة شجاعة. شجاعة إنها تختار طبيبة أونلاين، تتعامل معاها من غير ما تشوفها وجهًا لوجه، وتيجي مصر مخصوص علشان تكمل معها، وهي حتى مش مصرية ومش مرتبطة بالمكان.
البطلة دي قالت إنها كانت بتدور على فيديوهات تشرح إجراءات زي المنظار أو التلقيح الصناعي، وكانت تدخل تسمع الشرح وتحس بالراحة، لحد ما عرفت إن في استشارات أونلاين. ومن هنا بدأت الرحلة.
أكيد، واجهت تساؤلات من اللي حواليها: “إزاي تختاري دكتورة أونلاين؟ ليه تروحي مصر؟ إنتي مش عارفة العيادة ولا المكان!” لكنها اختارت تسمع لقلبها، وتختار الطريق اللي ريّحها.
وقالت: “لو التجربة اتكررت، هاختار نفس الدكتورة ونفس العيادة تاني.” وده لأنه كان في إحساس بالاهتمام، بالكلام اللي بيخرج من القلب، وبالمرافقة الحقيقية في كل خطوة.
وفعلًا، مش دايمًا الحقن المجهري بينجح من أول مرة. لكن النجاح مش بس في النتيجة، النجاح الحقيقي في إنك تختار الطريق الصح، وتعمل اللي عليك، وتكمل الرحلة مع حد حاسس بيك.
في “طبيبتي”، إحنا مش بس بنقدم استشارة، إحنا رفاق في الطريق، من أول لحظة لحد ما تحملي بإذن الله.
لو القصة دي أثرت فيك، شاركيها مع حد تاني محتار. يمكن تكوني سبب راحة لقلبه.
ودورة “أسرار نجاح الحقن المجهري” فيها كل التفاصيل اللي عشناها، من الحالات والتحديات لحد أسباب النجاح، ومستنينك تنضمي لينا.
لأنك تستحقي تبقي أم، وتستحقي تكوني مطمنة… وإحنا معاك
ولو بتاعني من تأخر الإنجاب، جمعنا لك هنا كل الموضوعات الخاصة بتأخر الحمل في دورس مفصلة بمعلومات علمية موثقة ومرتبة، علشان نساعدك توصلي لحلم الأمومة اللي تستحقيه:
رسالة لكي من بطلات سبقوكي لتحقيق حلم أمومتهم – TBIBTY طبيبتي