في الحالات دي… الحمل مش بس ممكن، ده نسبة نجاحه توصل 99%!
لو لسه مستنية الحمل، وبدأتي تفكري إن الموضوع صعب أو بعيد، تعالي أقولك على حاجة هتطمنك: في 10 حالات معينة، الحمل ممكن يحصل بنسبة عالية جدًا، توصل لـ99% كمان! وده مش كلام مبالغ فيه، ده مبني على تجارب حقيقية شفناها في عيادة طبيبتي لدكتورة ريهام الشال أخصائي طب وجراحات النساء والتوليد والحقن المجهري وتأخر الإنجاب، وبالأدلة.
1. علاج الالتهابات:
عارفة الحالات اللي كل حاجة عندها سليمة، بس دايمًا عندها حرقان أو إفرازات لونها مش طبيعي؟ وبتعدي كده، وتقول عادي؟ دي من أكتر الحالات اللي بنكتشف إنها كانت محتاجة بس علاج الالتهابات… ولما تعالجت؟ حصل الحمل تلقائي، وكأن الجسم كان مستني يتعالج من الالتهاب علشان يحصل الحمل على طول.
2. صعوبات العلاقة:
دي حالات كتير بنشوفها بعد سنة زواج، يقولولنا: “إحنا عايزين نعمل تلقيح صناعي أو حقن مجهري”، بس لما بنقعد ونسأل شوية نكتشف إن في صعوبة في العلاقة نفسها – زي التشنج المهبلي أو مشاكل تانية بسيطة، بس مأثرة جدًا. ولما نعالج المشكلة دي؟ الحمل بيحصل بنسبة عالية جدًا… ببساطة لأن المشكلة كانت في البداية خالص.
3. الزوج يوقف تدخين:
آه والله! في أزواج أول ما يبطلوا تدخين، يحصل الحمل! يمكن بعد سنين كانوا فاكرين فيها إن المشكلة معقدة. التدخين بيأثر على الحيوانات المنوية، جودتها وحركتها وعددها.
لمشاهدة الفيديو من هنا: https://youtu.be/AHr70vYAaS0?si=zZTTzN8SZigWAl_y
4. التبويض والطريقة الصح لحسابه:
ناس كتير بتعتمد على تطبيقات التبويض، بس الطريقة دي مش دايمًا دقيقة. في طريقة طبية نقدر نحدد بيها التبويض بالظبط، اسمها Timing Intercourse، وبنعرف من خلالها الوقت المثالي للجماع، ومجرد ما نستخدمها بشكل علمي، بنلاقي نسب الحمل بتزيد جدًا.
5. الوقت والهدوء النفسي:
عارفة إن كل ما الزواج عمره طول، كل ما فرص الحمل زادت؟ طالما مفيش سبب طبي يمنع، فإن فرصة الحمل في السنة التانية من الجواز أعلى من الشهور الأولى. فيه حاجة حلوة بتحصل لما الناس تبطل تحسب الأيام، وتبدأ تعيش طبيعي.
6. علاج اضطرابات الهرمونات:
في بنات بتشتكي من لخبطة في الدورة، شعر في منطقة الدقن، نوم مش مضبوط، واكتئاب… ومجرد ما نبدأ ننظم الهرمونات دي، نلاقي الجسم اشتغل من نفسه، ويحصل الحمل. لأن الجسم لما يكون متزن، بيرجع لطبيعته.
7. التغذية المناسبة:
الأكل الصح بيصنع فرق كبير! لما تبدأي تبعدي عن الأكلات المضرة، وتدخلي فيتامينات مناسبة (سواء من الأكل أو كمكملات)، بتدي لجسمك الفرصة إنه يشتغل بكفاءة. والنتيجة؟ أوقات كتير، بيكون ده المفتاح الوحيد اللي ناقص.
8. نقص الفيتامينات والمعادن:
في حالات بنكتشف إنها عندها نقص فيتامين د، أو مخزون حديد ضعيف… ولما نعالجه؟ يحصل الحمل بدون أي تدخلات! بس للأسف، بنعدي على النقطة دي كأنها مش مهمة، وهي فعلاً ممكن تكون سر كل حاجة.
9. تشخيص خاطئ أو متأخر:
فيه ستات بتمشي سنين وهي متصورة إنها محتاجة تدخلات طبية، لكن لما نحلل، نلاقي المشكلة كانت بسيطة زي نقص فيتامين أو مشكلة في التبويض. وهنا بتفرق الاستشارة الصح، مع المتابعة الدقيقة.
10. خطوات بسيطة قبل التدخلات الكبيرة:
قبل ما تروحي للحقن المجهري أو عمليات معقدة، جربي تنظمي أكلك، تحللي الفيتامينات، تضبطي نومك، تعالجي أي التهابات… خطوات بسيطة بس فعّالة جدًا. وأوقات كتير بتوفر علينا كتير من الوقت والفلوس والمجهود.
وفي النهاية…
كل الحالات دي شوفناها بعنينا، وسمعنا جملة “أنا حامل يا دكتورة” في الاستشارات الأونلاين قبل حتى ما نبدأ تدخلات كبيرة. الكلمة دي بتفرّحنا جدًا، مش لأنها شغلنا، لكن لأنها حلم اتحقق وسط بحر من الانتظار.
ولو بتاعني من تأخر الإنجاب، جمعنا لك هنا كل الموضوعات الخاصة بتأخر الحمل في دورس مفصلة بمعلومات علمية موثقة ومرتبة، علشان نساعدك توصلي لحلم الأمومة اللي تستحقيه:
رسالة لكي من بطلات سبقوكي لتحقيق حلم أمومتهم – TBIBTY طبيبتي