هل الليزر بيأثر على الرحم أو المبيض؟
الليزر المستخدم في إزالة الشعر بيشتغل على طبقات الجلد السطحية فقط، والنبضات الضوئية الخاصة به لا توصل للأعضاء الداخلية زي الرحم أو المبيض. ده تأكيد الأبحاث والدراسات، واللي بتطمننا إن الليزر لا يسبب أي تأثير مباشر على الخصوبة أو الحمل.
لمشاهدة الفيديو من هنا: https://youtu.be/7UKSJMDlcK8?si=zl7QDDwxh1vrbOJ9
فين المشكلة بقى؟
توضح دكتورة ريهام الشال اخصائي طب وجراحات النساء والتوليد والحقن المجهري وتأخر الإنجاب أن المشكلة مش في الليزر نفسه، لكن في حاجة تانية مهمة جدًا وهي التعقيم.
لو جهاز الليزر أو رأس الجهاز اللي بيلمس الجلد ما كانش معقّم كويس، فده ممكن ينقل عدوى بكتيرية أو فطرية للمنطقة الحساسة. العدوى دي ممكن تسبب التهابات مزمنة، وبعضها ممكن يكون ليه تأثير غير مباشر على الخصوبة أو يسبب مشاكل نسائية مع الوقت.
علشان كده، بننبه دايمًا:
• لازم تتأكدي إن الجهاز معقّم.
• لازم تتأكدي إن العيادة محترمة وتهتم بالنظافة.
• لو حسيتي بأي التهابات بعد الجلسة، لازم تستشيري طبيبة فورًا.
هل ينفع أعمل جلسات الليزر وأنا حامل؟
بعض الأبحاث الحديثة بتقول إن مفيش مانع طبي واضح يمنع من استخدام الليزر أثناء الحمل، لكن دايمًا بننصح إنك تستشيري طبيبتك أولًا، لأن كل حالة لها خصوصيتها.
في النهاية:
• الليزر نفسه ما بيأثرش على الحمل ولا بيمنعه.
• العدوى اللي ممكن تحصل من عدم التعقيم هي اللي ممكن تسبب مشاكل.
• اختاري مكان موثوق واهتمي بالتعقيم.
• واطمني، لأن الجلسات دي آمنة طالما بتتعمل بالطريقة الصحيحة.
ولو حابة تعرفي أكتر عن فترة ما قبل الزواج أو عندك أي أسئلة، تابعي الموضوعات اللي بنجاوب فيها على كل استفسارات البنات قبل الزواج، وكمان عندنا كورس كامل عن الاستعداد لليلة الزفاف هتلاقيه في التعليقات:
نتمنى لك زواج سعيد، وحياة مستقرة، وخصوبة سليمة