هل تعانين من إجهاضات متكررة؟ حكاية 13 سنة من الألم… ثم نور الأمل!
هل مررتِ من قبل بتجربة حمل، لكن لم يكتمل؟
هل شعرتِ أن كل مرة تحلمين فيها بالأمومة، الحلم يتبدد فجأة؟
هل تعبتِ من زيارة الأطباء، وكل مرة تخرجين بنفس النتيجة: “مش عارفين السبب”؟
تقول دكتورة ريهام الشال، أخصائية النساء والتوليد، تأخر الإنجاب والحقن المجهري:
13 سنة من الإجهاض المتكرر!
القصة اللي هنتكلم عنها النهاردة مؤثرة جدًا، مريضة حملت خمس مرات خلال 13 سنة، لكن للأسف، ولا مرة كمل الحمل. كل مرة كان الأمل بيتولد، لكن سرعان ما يتبخر، حتى لما ييجي خبر الحمل، كان رد فعلها عادي جدًا:
“آه حامل؟ ما هو هينزل بعد شوية، زي كل مرة”
لكن يوم ما ربنا أراد أن الحمل يكمل، كانت لحظة لا تُنسى، لأول مرة في حياتها، تشوف جنينها بيتحرك، وتشوف نبضه!
اللحظة اللي بتغير كل شيء…
أمها كانت بتبص للسكرتارية في العيادة، تدعيلهم، تاخدهم بالحضن، وهي داخلة تاخدني أنا كمان بالحضن!
ليه؟ لأننا لأول مرة وصلنا لمرحلة من الحمل ما كانتش بتحلم توصل لها!
المريضة دي أنا ما شفتهاش غير شهرين أو تلاتة، لكن الحمد لله، خلال الفترة دي اشتغلنا على أسباب الإجهاض اللي محدش انتبه لها قبل كده.
ربنا جعلنا سبب، وده بالنسبالنا إنجاز مش بسيط، خصوصًا بعد 13 سنة تعب وانتظار.
أنواع الإجهاض المتكرر… ومش كلهم زي بعض!
كتير بيسألوني:
“هو لازم كل اللي يحصلها إجهاض ترتاح وتنام وماتتحركش؟”
والحقيقة لأ! مش كل حالات الإجهاض المتكرر علاجها الراحة، لأن أسباب الإجهاض مختلفة، واللي بينفع مع حالة ممكن يكون ضار في حالة تانية.
تعالي نعرف بعض الأنواع المهمة:
1. حالات الإجهاض بسبب تقلصات في الرحم
بتحس بمغص وتقلصات، لو اتحركت كتير، التقلصات بتزيد، والمغص بيشتد، والنتيجة إن الرحم يطرد الجنين، هنا لازم الراحة.
2. حالات توقف نبض الجنين بدون أعراض
الجنين بيكون شكله طبيعي، وكل شيء ماشي كويس، وفجأة! أثناء السونار، نكتشف إن النبض اختفى، وده من أصعب أنواع الإجهاض، لأنه بيحصل فجأة، وبدون مقدمات.
3. حالات اتساع عنق الرحم في مراحل متقدمة
الجنين بيكبر ويتحرك، لكن عنق الرحم ما يقدرش يتحمل، ويفتح فجأة، فيخرج الجنين، بدون مغص، بدون نزيف، بدون أي إنذار.
هل شفتي قد إيه أنواع الإجهاض مختلفة؟
إذن كل نوع له تشخيص مختلف، وعلاج مختلف، وتعامل مختلف.
لمشاهدة الفيديو من هنا: https://youtu.be/QU6F50lT6oY
دور الطبيب.. ودورك أنتِ
الدكتور مش بس بيشخص، لكن كمان لازم يختارلك الخطة اللي تناسب حالتك بالضبط، هل محتاجة راحة؟ ولا بالعكس الراحة تضرك؟ هل محتاجة مثبتات؟ أي نوع؟ وكم جرعة؟
هل محتاجة تحاليل؟ ولا هتكون مضيعة وقت وفلوس ومجهود؟
إحنا ضد فكرة إننا نقول “تحاليل عامة”، لأن كل حالة غير التانية.
في حالات بتعمل تحاليل كتير جدًا، لكن مش مفيدة لحالتها أصلًا!
ليه نضيع وقت ومجهود في شيء مش هيفيد؟
طب ودورك أنتِ في الموضوع؟
هقولك حاجة مهمة جدًا…
80% من حالات الإجهاض المتكرر مرتبطة بالسند المعرفي.
يعني إيه؟
يعني الإنسان لما يكون فاهم، عارف هو فين، عارف حالته، عارف الخطوة الجاية… بيكون مطمئن. لكن اللي مش فاهم بيعيش في قلق دائم:
“هو إيه اللي بيحصلي؟ ليه بيحصلي؟ طب أنا في خطر؟ طب الجنين كويس؟”
القلق ده ممكن يأثر على الحمل.
المعرفة بتحيطنا بهالة أمان، زي الدعاء الجميل:
“اللهم اجعل في قلبي نورًا، ومن فوقي نورًا، ومن تحتي نورًا…”
المعرفة هي النور اللي بيحميكي في رحلة الحمل.
والعلم؟
العلم عند الطبيب، لكن الطبيب دوره إنه ينقل ليكي المعرفة اللي تهمك… يشرحلك، يطمنك، يسندك.
حالة من الحالات…
واحدة من المريضات كانت بتعاني من تجمع دموي حوالين كيس الحمل، في كل مرة يحصل لها “هجمة” من النزيف، بنعالجها، نوقفها، ونرجع نتابع.
لكن إحنا مش بنعرف إيه اللي هيحصل بعد كده، هي كمان مش عارفة، لكنها مطمئنة. عارفة ليه؟
لأنها فاهمة حالتها، وعارفة إننا عملنا كل اللي نقدر عليه.
قالت لي:
“أنا مش بحبك من فراغ… طمنتيني، وخلتيني أحس إني مش لوحدي.”
الدعم المعرفي يفرق!
أحيانًا أهل المريضة يقولولها:
“اطمني، إحنا معاكِ”
وده جميل جدًا، لكنهم مش فاهمين حالتها، فالدعم النفسي بيكتمل لما يكون فيه دعم معرفي من طبيب فاهم، وبيشرح، وبيرشد، وبيسند.
عشان كده عملنالك كورس للإجهاض المتكرر
إحنا في “طبيبتي” عاملين كورس كامل لحالات الإجهاض المتكرر.
الكورس بيشرحلك بالتفصيل:
• إيه أسباب الإجهاض اللي عندك بالضبط؟
• التحاليل اللي مفروض تعمليها، وإيه اللي ملوش لازمة.
• إزاي تفهمي حالتك؟
• إزاي تتعاملي معاها؟
• وإزاي تقترحي مع الطبيب خطة تناسبك؟
علشان تبقي جاهزة، مش تايهة، ومش خايفة.
علشان يوم ما تحملي، يبقى الحمل ده هو Take Home Baby… يعني بيبي نشيله في حضننا ونرجع بيه البيت بالسلامة.
في الختام..
لو بتعاني من إجهاضات متكررة…
اعرفي إنك مش لوحدك، وإن فيه أسباب، وفيه حلول.
بس أهم شيء… نمشي صح، نختار صح، ونتابع مع حد فاهم، ونبني سند معرفي يحميك ويطمّنك.
وإن شاء الله، المرة الجاية لما تقولي “أنا حامل”، تكوني فعلاً ماشية في الطريق السليم، والطريق يكمل للآخر.
ولو بتاعني من تأخر الإنجاب، جمعنا لك هنا كل الموضوعات الخاصة بتأخر الحمل في دورس مفصلة بمعلومات علمية موثقة ومرتبة، علشان نساعدك توصلي لحلم الأمومة اللي تستحقيه:
رسالة لكي من بطلات سبقوكي لتحقيق حلم أمومتهم – TBIBTY طبيبتي