3 طرق تعرفي بيهم إنك حامل
سؤال مهم بيتكرر كثيرًا: “يا دكتورة، الحمل بيبان بعد كام يوم من الدورة؟”
والإجابة مش واحدة لكل الناس، لكنها واضحة لو فهمنا جسمنا كويس.
تعالي نوضح إمتى نقدر نعمل اختبار حمل، وإيه الفرق بين كل نوع
أولًا: إزاي نعرف إن في حمل؟
في ثلاث وسائل أساسية تقدر تكشفي بيهم الحمل، وفقا للدكتورة ريهام الشال اخصائي طب وجراحات النساء والتوليد والحقن المجهري وتأخر الإنجاب.
1. اختبار الحمل الرقمي في الدم (Beta HCG Digital):
بيقدر يكتشف الحمل قبل الدورة بأسبوع تقريبًا.
لكن استخدامه مش ضروري لكل الحالات، ومش بننصح بيه إلا في ظروف معينة وتحت إشراف طبي، لأنه ممكن يسبب قلق وتوتر نفسي.
2. اختبار الحمل في الدم العادي:
ممكن تعمليه بعد تأخر الدورة بيوم واحد.
دقته عالية، ونتيجته بتكون واضحة ومريحة.
3. اختبار الحمل المنزلي (اختبار البول):
الأفضل تعمليه بعد تأخر الدورة بسبعة أيام، وخصوصًا لو التبويض عندك منتظم.
سهل وسريع، لكن ممكن يطلع نتيجته غير دقيقة لو اتعمل بدري.
لمشاهدة الفيديو من هنا: https://youtu.be/jvVs7DwjN1Q?si=fBsmRW1eXMjI5TPE
ليه مهم ننتظر الوقت المناسب؟
الجسم بيحتاج وقت علشان يبدأ يفرز هرمون الحمل بنسبة واضحة، فلو استعجلنا بالاختبار، ممكن تظهر نتيجة سلبية رغم إن في حمل بالفعل.
طب لو النتيجة سلبية وحاسة بأعراض حمل؟
الموضوع مش غريب، وحصل مع بنات كتير.
في درس مهم شرحنا فيه ليه بتحسي بأعراض الحمل رغم إن نتيجة الاختبار سلبية، وشرحنا كمان الخطوة اللي المفروض تعمليها بعدها.
المتابعة في الوقت المناسب بتفرق كتير.
لو حابة تطمني:
• ممكن تعملي اختبار الدم العادي بعد تأخر الدورة بيوم.
• أو تعملي اختبار البول المنزلي بعد تأخر الدورة بأسبوع، وأنتِ هادية ومرتاحة.
• ولو لسه مش واضحة الأمور، تقدري تتابعي معانا أونلاين وناخد القرار المناسب سوا.
ولو بتاعني من تأخر الإنجاب، جمعنا لك هنا كل الموضوعات الخاصة بتأخر الحمل في دورس مفصلة بمعلومات علمية موثقة ومرتبة، علشان نساعدك توصلي لحلم الأمومة اللي تستحقيه:
رسالة لكي من بطلات سبقوكي لتحقيق حلم أمومتهم – TBIBTY طبيبتي