قصة من المغرب… إزاي غيّرت المرمرية حياة بنت؟
في وسط الزحمة اللي بنسمعها عن الأعشاب والطب الطبيعي، بنبقى مش عارفين نصدق مين ونكذّب مين. بس ساعات، بيجيك موقف أو رسالة تخليك توقف، وتفكري… يمكن في حاجة فعلاً بتشتغل! بس بشرط: لما نستخدمها بوعي، ومع شوية علم.
جاتلنا من كام يوم رسالة جميلة من بنت مغربية – نِسميها إلهام – رسالتها كلها فرحة وامتنان، وفعلاً خلتنا نبتسم من قلبنا. وده كان مضمونها:
“يا دكتورة ريهام، نفسي تحكي قصتي.
أنا من المغرب، وبتابعك دايمًا. شفت مرة فيديو ليكي عن عشبة المرمرية (إحنا هنا بنسميها السلّمية)، وقررت أجرب.
أنا دورتي كانت مقطوعة تمامًا، ما بتنزلش غير بالأدوية، وهرمون الحليب كان عالي وبيخليني حاسة بألم دائم في صدري.
جربت المرمرية لمدة أسبوع بس، صباح ومسا، ومن غير أي دوا… فجأة الدورة نزلت!
كنت مصدومة وفرحانة، حسيت إن في أمل، وإن كلامك عن الأعشاب مش مجرد كلام.
الألم في صدري اختفى، والدورة رجعت بفضل ربنا ثم فضلك.
نفسي أجيلك في العيادة، بس أنا مش في مصر.
شكرا ليكي من قلبي”
وتعلق دكتورة ريهام الشال اخصائي طب وجراحات النساء والتوليد والحقن المجهري وتأخر الإنجاب، يعني بصراحة… الكلام لمسنا جدًا. مش بس عشان النتيجة، لكن عشان الصدق اللي في رسالتها، والإيمان اللي كان جواها، والفرحة اللي قدرت توصلها لغيرها.
وهي بنفسها طلبت إننا نشارك قصتها، علشان كل بنت حاسة بالإحباط تعرف إن في أمل… وإن فيه حلول طبيعية ممكن تفتح أبواب ما كناش متخيلينها.
لو حابة تشوفي الفيديو اللي اتكلمنا فيه عن الأعشاب والدورة، تفضلي هنا:
لكن خدي بالك…
إحنا كأطباء، مش بس بننقل قصص نجاح، لازم كمان نقول الحقيقة الكاملة.
آه، الأعشاب ممكن تساعد، بس لازم دايمًا نكون حذرين، علشان:
• مش كل الأعشاب مناسبة لكل الناس.
• اللي عندها خلل هرموني أو تأخر دورة لازم تعمل تحليل وتشخيص مظبوط.
• المرمرية وأي عشبة لازم تتاخد بوعي وتحت إشراف.
في فيديوهاتنا، بنعتمد على معلومات موثوقة ودراسات، مش مجرد تجارب عشوائية. المرمرية، كف مريم، وغيرهم، ليهم تاريخ في الطب الشعبي… بس استخدامهم محتاج علم وحذر.
ولو إنتي بتقري الكلام ده وبتعاني من اضطراب في الدورة أو تأخر الحمل، اعرفي إن الدورة المنتظمة مش بس موضوع هرمونات، ده كمان بيأثر على نفسيتك وتوازنك كله.
لما الدورة تتأخر، القلق بيزيد، والتوتر بيأثر على جسمك… ويدخلك في دايرة مالهاش آخر.
وعشان كده، القصص دي مش بنقولها علشان نعلّق أملنا في عشبة، لكن علشان نفتكر إن في دايمًا أمل… وإن الشفاء ساعات بيبدأ من حاجة بسيطة جدًا، لما نمشي وراها بعلم ونطلب المساعدة الصح.
ولو بتعاني من تأخر الإنجاب، عملنالك هنا كورس شامل فيه كل المواضيع، متقسم بشكل مرتب، وبمعلومات علمية موثقة، علشان توصلي لحلم الأمومة اللي تستحقيه:
رسالة لكي من بطلات سبقوكي لتحقيق حلم أمومتهم – TBIBTY طبيبتي