بتبحثي عن الحمل بعد التلاتين؟ ٥ خطوات لازم تعرفيهم!
كتير بنسمع إن الحمل بعد التلاتين صعب، أو “فاتك القطر”، أو “كان المفروض من زمان”… لكن تعالي أقولك المفاجأة: الدراسات الحديثة أثبتت إن الحمل بعد التلاتين ليه مميزات مش قليلة!
إزاي يعني؟ ببساطة، الأمهات اللي بيحملوا بعد التلاتين بيكون عندهم عمر أطول بنسبة توصل لـ95٪ مقارنةً باللي حملوا في العشرينات. كمان الأطفال اللي بييجوا من حمل بعد التلاتين بيكونوا نفسيتهم أحسن، وأقل تعرضًا للعنف، ودرجة وعيهم وذكائهم بتكون أعلى. وده غالبًا لأن الأم بتكون وصلت لمرحلة نضج ومعرفة أكبر، وقدرت تخلص من ضغوط كتير كانت شايلها في العشرينات.
طيب نعمل إيه بقى علشان نجهز جسمنا ونضاعف الخصوبة؟
٥ نصائح مهمة، وفقا للدكتورة ريهام الشال اخصائي طب وجراحات النساء والتوليد والحقن المجهري وتأخر الإنجاب:
أول خطوة: نوقف العادات السيئة.
كلنا عارفين عاداتنا الوحشة: أكل غير صحي، فاست فود على طول، سهر لحد الفجر، ناس لسه بتدخن، ومفيش اهتمام لا بالجسم ولا بالصحة.
ثاني خطوة: الوزن!
مش لازم نخس وخلاص، ولا نتخن وخلاص. لازم نعرف إحنا فين من مؤشر كتلة الجسم (BMI). لو كتلتك أقل من الطبيعي أو زيادة جدًا، ده ممكن يؤثر على فرص الحمل ويخلي جسمك مش قادر يتحمل تجربة الحمل والولادة. فلازم نكون في منطقة الوزن الصحي.
ثالث خطوة: خلّصي جلسات الليزر!
علشان ندخل مرحلة الخصوبة وإحنا في أفضل حالاتنا، لازم نكون خلصنا أي حاجات ممكن تكون بتأثر علينا أو على البيبي زي الليزر وغيره من الإجراءات اللي ممكن يكون ليها تأثير غير مدروس.
رابع خطوة: الأسنان!
لو سنانك بتوجعك بليل، ما تأجليش. فيه دراسات بتقول إن التهابات اللثة ممكن تكون سبب في الإجهاض المبكر، وكمان في أول 3 شهور الحمل الدكتور مش هيقدر يديكِي الأدوية اللي محتاجاها، فاعمليها من دلوقتي.
لمشاهدة الفيديو من هنا: https://youtu.be/AJ_FiM8QWkk?si=6g7rjmweU9KsyuX1
خامس خطوة: ديسترس، شيلي الضغط من حياتك!
عارفة الحمل إيه؟ مش امتحان ولا شغل شاق، هو مغامرة محتاجة هدوء نفسي. الضغوط الكتير بتأثر على جسمك وهرموناتك، وبتخليكي داخلة على تجربة جميلة وإنتي شايلة هموم كتير. ففصّلي، ابعدي عن التوتر، وخلي دماغك رايقة.
ومع الديسترس، في نقطة مهمة: النوم!
مادة الميلاتونين اللي بتتكوّن وقت النوم هي من أهم المواد اللي بتغذي البويضة. ونقصها ممكن يسبب ضعف في جودتها أو حتى شيخوخة مبكرة للبويضات. ونعرف كلنا قد إيه بنضيع ساعات النوم بسبب الموبايلات والشاشات. لازم ننام كويس، بجد، من غير هزار.
تجربة حقيقية…
واحدة من الحالات تابعتها ثلاث سنين تأخر إنجاب، جربت كذا دكتور، خدت أدوية، عملت تحاليل، والتبويض كان يتغير مرة يبقى كويس ومرة لأ. في مرة اتأخرت الدورة، قالت أكيد هتنزل. بعد 3 أيام، ما فيش حاجة. بدأت تشك. عملت اختبار منزلي… وطلع إيجابي! حتى لما راحت للدكتور، ما كانتش مصدقة. وكانت متابعة فيديوهاتنا، وبدأت تحس إن الدكتور اللي كانت بتتابع معاه مش مركز، مش بيعملها خطة واضحة، ولا حتى فاكر الشهر اللي فات إدوها فيه إيه!
وإحنا ليه بنقول الكلام ده كله؟
لأن التحضير للحمل بعد التلاتين مش مستحيل، بس محتاج خطوات ذكية. محتاج تبقي واثقة إنك مش متأخرة، بالعكس… إنتي في الوقت المناسب لو عرفتي تبدأي صح. الحمل في التلاتينات مش عيب ولا مخاطرة، لكن لازم يكون عن وعي واستعداد حقيقي.
وفي الختام…
الرحلة دي مش لازم تكوني فيها لوحدك. خلي دايمًا معاكي حد بيسندك، سواء طبيب خصوبة فاهم ومتخصص، أو برنامج منظم يساعدك على المتابعة خطوة بخطوة. احنا معاك، أونلاين، في العيادة، على الواتساب، في كل مكان. هدفنا نوصل معاكي لليوم اللي تقولي فيه من قلبك: “أنا حامل”.
ولو بتاعني من تأخر الإنجاب، جمعنا لك هنا كل الموضوعات الخاصة بتأخر الحمل في دورس مفصلة بمعلومات علمية موثقة ومرتبة، علشان نساعدك توصلي لحلم الأمومة اللي تستحقيه:
رسالة لكي من بطلات سبقوكي لتحقيق حلم أمومتهم – TBIBTY طبيبتي